Dende o ano 2018, a Confederación de Empresarios da Coruña (CEC) ten subscrito un convenio co Concello da Coruña para o desenvolvemento dun Programa Integral de Emprego.

Debido ao éxito acadado nas anteriores edicións do Plan Laboral CEC Coruña —nas que se analizou o mercado laboral da contorna, identificando empresas empregadoras e seleccionando demandantes de emprego con perfís afíns ás devanditas demandas—, dende a CEC propoñemos para esta nova edición 2025 unha versión do proxecto máis adaptada ás necesidades e suxestións realizadas polos/as participantes (máis horas de formación práctica, máis contidos relacionados coas ferramentas para a procura de emprego), mantendo o mesmo obxectivo: dotar ás persoas candidatas de ferramentas axeitadas para a súa inserción no mercado laboral, mediante a formación en competencias e habilidades transversais.

OBXECTIVOS XERAIS

Primeiro Obxectivo

Facilitar o acceso ao mercado laboral das persoas participantes no Plan

Segundo Obxectivo

Mellorar a súa formación e habilidades para a inserción laboral, aumentando os seus coñecementos, actitudes e aptitudes para a empregabilidade.

Tercer Obxectivo

Levar a cabo procesos de intermediación laboral entre empresas e participantes

OBXECTIVOS

Obxectivos Plan Laboral CEC 2025

COLECTIVOS BENEFICIARIOS

Persoas en situación de desemprego

Proxecto

ACTUACIÓNS ESPECÍFICAS

1. CAPTACIÓN DE CANDIDATOS/AS E DIFUSIÓN

Levarase a cabo unha campaña de comunicación por parte do equipo técnico da CEC, así como mediante contratación externa, para dar a coñecer o Plan e captar os 100 participantes previstos.

2. SELECCIÓN DE BENEFICIARIOS

Entre todas as persoas candidatas, o equipo técnico da CEC seleccionará as 60 máis idóneas, que serán entrevistadas e avaliadas para identificar as 30 persoas beneficiarias do programa.

3. PLAN PERSONALIZADO DE EMPREGABILIDADE

Terase en conta o nivel formativo, así como as expectativas persoais e profesionais das persoas candidatas, e a demanda actual do mercado laboral.

4. FORMACIÓN

Formacións para mellorar a inserción laboral: obxectivo profesional, currículum de impacto, emprego 2.0, portafolio, entrevistas, Excel, inglés B1, igualdade e acreditación docente en teleformación.

5. ORIENTACIÓN LABORAL

Realizaranse entrevistas individualizadas ao longo de todo o proxecto, co obxectivo de recoller información, avaliar actitudes e asesorar cada participante para mellorar a súa empregabilidade.

6. INTERMEDIACIÓN LABORAL

Contactarase con empresas da zona para identificar e xestionar oportunidades de emprego, realizarase prospección en xacementos laborais e publicarase un boletín semanal con ofertas de emprego das empresas colaboradoras.

7. MENTORING PARA INICIATIVAS EMPRENDEDORAS

Ofrecerase acompañamento ás persoas participantes que teñan unha idea de negocio, axudándoas a configurar o seu plan de empresa e guialas no proceso de creación.

8. AVALIACIÓN E PECHE DO PROXECTO

Elaborarase un informe de avaliación da calidade do proxecto, baseado en enquisas realizadas ás persoas participantes e nas opinións dos/as técnicos/as e docentes.

CONTIDOS DA ACCIÓN FORMATIVA

Os contidos organízanse en 2 bloques temáticos, o que implica 11 módulos a impartir, según o seguinte esquema
Tipo de formación Módulo Formativo
Píldoras Formativas Define  o teu obxectivo profesional
Currículum de impacto
Procura de emprego 2.0
Creación dun portafolio en liña
Candidaturas espontáneas e networking
Cómo superar unha entrevista de traballo
Cursos Excel
Inglés B1
Igualdade
Acreditación Docente para a Teleformación

ESTÁS SEN EMPREGO OU NECESITAS ORIENTACIÓN?

Axudámosche gratis!

FINANCIADO POR