Este proxecto está orientado a persoas da comarca da Coruña. Para a montaxe fotográfica a diferenza de edicións anteriores que usamos a Torre de Hércules como monumento histórico e emblemático para representar a cidade, este reflicte o traballo colaborativo e a diversidade que foron fundamentais no éxito da nosa iniciativa.
Esta imaxe representa a filosofía do Plan Laboral CEC Coruña 2025, onde o traballo en equipo, a inclusión e a preparación práctica son os piares fundamentais. A escena mostra a un grupo diverso de persoas colaborando activamente arredor dunha mesa de traballo, nun contorno profesional moderno e dinámico, que simboliza o éxito do acompañamento formativo ofrecido no proxecto.
A disposición das persoas, todas centradas nun obxectivo común, reflicte a importancia da cooperación e da intelixencia colectiva como motores da empregabilidade. A súa expresión concentrada e implicada transmite motivación, interese e unha actitude resolutiva: características que buscamos fomentar en cada edición do programa.
Os elementos gráficos superpostos, como os nodos e conexións dixitais, suxiren a construción dunha rede de oportunidades, saberes compartidos e relacións profesionais que se xeran ao longo do itinerario formativo. Estes detalles visuais ilustran como o Plan actúa como ponte entre a formación e o mercado laboral, activando os recursos e capacidades das persoas participantes.
En conxunto, a imaxe encapsula unha mensaxe clara: a preparación adecuada, combinada coa colaboración e a diversidade, é clave para unha integración laboral sólida e sostible.
Por que o título “KEY MOMENT”? Porque na actualidade o público novo móvese nun entorno global a través de Internet e as redes sociais, onde o idioma inglés é un referente e soe ser empregado habitualmente nestes entornos, así que utilizar a súa linguaxe é unha forma de conectar con eles, chamar a súa atención e aumentar o impacto da campaña. O significado é “Momento clave”, xa que con estas idades están nunha situación crucial para decidir cal vai ser o seu camiño profesional.
Porén, tamén quixemos darlle importancia a nosa lingua có slogan “A chave do teu futuro” en galego para non esquecer a ligazón coa nosa terra e expresar que con este proxecto darémoslles un impulso para construir unha marca persoal sólida, onde mostrar os seus puntos máis fortes e que poidan optar a todo un abanico de posibilidades laborais.
